2021年8月21日 低醣增肌減脂計劃 day20
通常我放假會有個習慣，就係瞓到安樂醒，skip咗早餐，直接食個靚brunch😋一來兩餐夾埋食可以食得豐富啲，二來放假有時間我會有心機整得靚啲，我覺得減肥keep fit都可以食得開心🥳如果每餐都細心擺盆有返個儀式感，賞心悅目一啲，咁你唔會覺得嗰啲食物係減肥餐，隨時好味過岀面嗰啲all day breakfast😋
.
琴日嘅branch我蒸左一件三文魚，兩隻溏心蛋，半個橙，西芹同埋西蘭花🥦中間係藍莓同埋杞子明目養神😁都係果句啦，減肥餐唔一定餐餐烚雞胸烚菜㗎😛
.
晚餐突然間好想食椰菜花炒飯，加咗雞肉，蜆肉，鰻魚，洋蔥，蘑菇同青瓜炒咗個偽飯食😋好飽好滿足☺️☺️☺️
.
真係好鍾意放假，廢話，有邊個唔鍾意放假🤣🤣🤣
Search